Tahiri i PDK-së: Vetëvendosje përmes kapelave të zeza ka vendosur ta mbulojë krimin

13:28 | 16 Tetor 2024
E.K

Shefi i Grupit Parlamentar të PDK-së, Abelard Tahiri, gjatë seancës së sotme, para foltores ka dalë me një kapelë.

Ata vendosën kapelet në mikrofonët e tyre si një protestë ndaj bisedave të publikuara mes Dejona Mihalit dhe Nagip Krasniqit, ku Mihali e pyet Krasniqin “a po vjen te ne… me kapelë”.

Tahiri ka thënë se është e lehtë të fshihesh pas një kapele, por “do të dalin të gjitha”.

Deputeti i PDK-së tutje ka pasur kritika për RTK-në, e cila nuk po e transmeton seancën e jashtëzakonshme, duke thënë se po tentohet të shuhet zëri opozitar.

“Në këto momente për kureshtje vendosa me pa nëse RTK është duke e transmetuar live këtë seancë dhe e pash që është duke transmetuar një konferencë të kryeministrit Kurti për të mbijetuarit e dhunës seksuale kurse Kuvendin e Kosovës paska vendos me qit në RTK3 kjo s’ka ndodh asnjëherë”, tha Tahiri./Arbresh.info